Futbolchilarimiz olimpiadani tark etadi
Ular 2-turda Misr terma jamoasiga yutqazib qoʻyishdi.
Olimpiadaning 2-turida Oʻzbekiston Misrga qarshi oʻyinda maydonga tushdi va alamli magʻlubiyatga uchradi.
Oʻyinning 11-daqiqasida himoyachilarimizning qoʻpol xatosidan raqiblar unumli foydalandi. Ahmad Koka tasodifiy tarzda gol urdi.
Keyinchalik hisobni tenglashtirish va gʻalaba uchun har qancha urinmasin, Temur Kapadze shogirdlariga omad yetishmadi.
Shu tariqa futbolchilarimiz olimpiadani hammadan vaqtli tark etadigan boʻldi.
Narigi oʻyinda Ispaniya termasi Dominikan ustidan 3:1 hisobida gʻalaba qozondi. Guruhda ispanlar 6 ochko, misrliklar 4 ochko bilan peshqadamlik qilmoqda. Dominikanda 1 ochko, Oʻzbekistonda esa 0 ochko bor.
Olimpiada-2024, futbol, S guruhi, 2-tur
Oʻzbekiston - Misr 0:1
Gol: Koka 11
