"Narxoz" Samarqand filiali mansabdori ushlandi
U 2 fuqaroni oʻqishga kiritib qoʻyishini aytib, firibgarlik yoʻli bilan ming dollar olgan.
!["Narxoz" Samarqand filiali mansabdori ushlandi](https://cp.platina.uz/media/CACHE/images/photo_2024-07-26_17-48-38.ff40024316a7.webp)
Toshkent davlat iqtisodiyot universiteti Samarqand filiali bosh muhandisi Sh.X. fuqarolar Sh.Ya. va X.K.ning ishonchiga kirgan va ulardan pora soʻragan.
Bosh prokuratura huzuridagi departamentning Samarqand shahar boʻlimi, DXX va IIB xodimlari hamkorligida oʻtkazilgan tezkor tadbirda Sh.X. ushlangan.
Qayd etilishicha, u Toshkent kimyo xalqaro universitetining Samarqand filialiga oʻqishga kiritib qoʻyish evaziga firibgarlik yoʻli bilan ming dollar olgan vaqtida ashyoviy dalillar bilan qoʻlga tushirilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.