Xorazmda byudjet tashkilotlariga 13 mlrd. soʻm mablagʻ ajratiladi
Harbiy qismlardan birining muhandislik tarmoqlarini taʼmirlash uchun 8 mlrd. soʻm beriladi.
Xalq deputatlari Xorazm viloyati kengashining pul ajratish boʻyicha qarori eʼlon qilindi.
Unga koʻra byudjet tashkilotlari va byudjetdan pul oluvchilarga jami 13 mlrd. soʻmdan oshiq mablagʻ ajratiladi.
Ilovaga koʻra, mablagʻlar quyidagicha taqsimlanadi:
- Viloyat fiziatriya va pulmonologiya markaziga 800 mln. soʻm (markaz mobil brigadasi uchun avtobus xarid qilish va uni jihozlash uchun);
- Xivadagi Otchopar majmuasini demontaj qilib, Urganchga koʻchirish uchun 992,9 mln. soʻm viloyat hokimligi huzuridagi "Yagona buyurtmachi xizmati" korxonasiga;
- 53008-harbiy qismning muhandislik tarmoqlarini taʼmirlash uchun 8 mlrd. soʻm;
- 2024 yil avgust oyida Xivada qovun sayli festivalini oʻtkazish uchun 2 mlrd. soʻm;
- Urganch shahridagi eski qabullar binosini taʼmirlash uchun 350 mln. soʻm ajratiladi. Shuningdek, viloyat hokimligi va transport boshqarmasiga ham turli xarajatlar uchun pullar ajratiladi.
Ushub qaror ijrosini nazorat qilish Xalq deputatlari kengashining mahalliy byudjet boʻyicha komissiyasi raisi E.Babajanov zimmasiga yuklangan.
Telegramda kuzatib boring!