“Navoiyazot”ning Raqobat qoʻmitasi ustidan shikoyati rad etildi
Korxona mineral oʻgʻitlarni nazarda tutilgan muddatlarda va hajmlarda savdoga qoʻymasligi oqibatida jami 20,5 mlrd soʻm asossiz daromad olgani aytilgan.
![“Navoiyazot”ning Raqobat qoʻmitasi ustidan shikoyati rad etildi](https://cp.platina.uz/media/CACHE/images/09732e16cd06ed37fa40e8dea73b789d.0c2f47eb6864.webp)
Sud “Navoiyazot”ning Raqobat qoʻmitasi ustidan qilgan shikoyatini rad etdi.
Raqobat qoʻmitasi qarorining qonuniyligi Sud tartibida koʻrib chiqilgan.
Qoʻmita tomonidan “Navoiyazot” AJga nisbatan mineral oʻgʻitlarni birja orqali realizatsiya qilishda manipulyatsiya holatlarini sodir etganligi boʻyicha ish qoʻzgʻatilib, Raqobat qonunchiligi talablari buzilgan deb topilganligi hamda qonunbuzilish holatlarini bartaraf etish boʻyicha tegishli koʻrsatma berilganligi toʻgʻrisida xabar berilgan edi.
Qoʻmita tomonidan mineral oʻgʻitlar bozorida ustun mavqega ega boʻlgan "Navoiyazot" AJ tomonidan ishlab chiqarilgan yuqori likvidli va monopol turdagi mahsulotlar birja savdolari orqali realizatsiya qilinishida narx manipulyatsiyalari holatlari aniqlangan.
2021-2023 yillarda mineral oʻgʻit, polivinilxlorid va formalin mahsulotlarini tegishli jadvallarda nazarda tutilgan muddatlarda va hajmlarda savdoga qoʻymasligi oqibatida jami 20,5 mlrd soʻm asossiz daromad olingan.
“Navoiyazot” AJ tomonidan mazkur qaror va koʻrsatma ustidan Toshkent tumanlararo maʼmuriy sudiga shikoyat qilingan boʻlib, mazkur qaror va koʻrsatmani haqiqiy emas deb topish soʻralgan.
Toshkent tumanlararo maʼmuriy sudining 2024 yil 23 iyuldagi hal qiluv qarori bilan “Navoiyazot” AJning shikoyati rad etildi.