Habib Nurmagamedovga nisbatan ish qoʻzgʻatildi
Bunga sportchining federal soliq idoralari oldidagi katta qarzi sabab boʻlgan.
UFC sobiq yulduzi Xabib Nurmagomedovga nisbatan ish ochildi.
Ish sud ijrochilari tomonidan sportchining Dogʻiston Respublikasi Federal soliq xizmati oldidagi qarzi tufayli qoʻzgʻatildi, deb xabar beradi RBK.
Yengil vazn toifasida sobiq UFC chempionining qarzi 79,4 million rublni tashkil qiladi. Maʼlumotni Federal sud ijrochilari xizmati Bosh mintaqalararo (ixtisoslashtirilgan) boshqarmasi matbuot xizmati tasdiqladi.
Shu oy boshida Federal soliq xizmati sobiq chempionning bank hisoblarini hibsga oldi va avvalroq Nurmagomedovga tegishli boʻlgan bir qancha kompaniyalarni yopdi.
Shuningdek, Rossiyaning xayriya jamgʻarmasining akkaunti ham bloklangani xabar qilingan.
Telegramda kuzatib boring!