"Chorvoq" suv omborida ikki kishi baxtsiz hodisa sabab halok boʻldi
19 yoshli fuqaro suvda skuterni haydash vaqtida boshqaruvni eplay olmagan va qarshisidagi katamaranga borib urilgan.
Toshkent viloyatida ikki dam olish vaqtida halok boʻldi.
Joriy yilning 20 iyul kuni soat 14:30 larda Toshkent viloyati Boʻstonliq tumanidagi "Chorvoq" suv omborining "Burchmulla" suv havzasiga dam olish maqsadida kelgan Zangiota tumanida istiqomat qiluvchi 19 yoshli fuqaro skuterni haydash vaqtida boshqaruvni eplay olmagan. Soʻngra u qarshisidagi katamaranga borib urilgan.
Buning oqibatida katamaranda boʻlgan 2 nafar Fargʻona viloyatidan kelgan fuqaro tan jarohati olgan. Ushbu baxtsiz hodisa oqibatida fuqarolar olgan tan jarohati tufayli voqea joyida vafot etgan.
Holat yuzasidan Jinoyat kodeksining 260-moddasi (Temir yoʻl, dengiz, daryo yoki havo transportining harakati yoki ulardan foydalanish xavfsizligi qoidalarini buzish) bilan jinoyat ishi qoʻzgʻatildi.
Tergov harakatlari olib borilmoqda.