Jahondagi kompyuter tizimlarida yirik nosozlik roʻy berdi
Oqibatda bir qancha aviakompaniyalar ishi toʻxtab qoldi, London birjasida uzilishlar boʻlmoqda.
Butun dunyodan aviakompaniyalar, banklar va yetakchi ommaviy axborot vositalarini boshqarishda foydalaniladigan kompyuter tizimlarida yirik nosozlik roʻy berdi.
Texnik muammo AQShning CrowdStrike kiberxavfsizlik firmasiga tegishli.
Avstraliyada bu Microsoft noutbuklari bilan bogʻliq muammolarni keltirib chiqardi, koʻplab qurilmalar qayta ishga tushirildi va "koʻk ekranda xatosi" xabari koʻrsatildi.
Dasturiy taʼminotdagi nosozliklar tufayli aviakompaniyalar va aeroportlar reyslarni ommaviy ravishda bekor qilmoqdalar - allaqachon joʻnab ketgan samolyotlar esa favqulodda qoʻnish uchun joy izlamoqda.
IT-tizimlari faoliyatidagi ommaviy uzilishlar sababi hali aniqlanmagan, biroq Microsoft oqibatlarini yumshatish uchun choralar koʻrayotganini aytdi.
Britaniyaning temir yoʻl kompaniyalari ham "yirik IT muammolariga" duch kelayotganini aytishmoqda.
Sky News telekanali jonli efirni toʻxtatishga majbur boʻldi. London fond birjasida ham uzilishlar kuzatilmoqda.