Qirgʻiziston prezidenti Oʻzbekistonga keldi
Toshkent xalqaro aeroportida mehmonni prezident Shavkat Mirziyoyev kutib oldi.
18 iyul kuni Oʻzbekiston Prezidenti Shavkat Mirziyoyevning taklifiga binoan Qirgʻiz Respublikasi Prezidenti Sadir Japarov rafiqasi bilan birga davlat tashrifi bilan mamlakatga keldi.
Toshkent shahri xalqaro aeroportida ularni Oʻzbekiston prezidenti va rafiqasi kutib oldi.
Oliy martabali mehmon sharafiga ikki mamlakat davlat bayroqlari koʻtarilib, faxriy qorovul saf tortdi.
Tashrif dasturiga muvofiq, oliy darajada muzokaralar oʻtkaziladi, ularda Oʻzbekiston-Qirgʻiziston keng qamrovli strategik sheriklik munosabatlarini yanada rivojlantirish masalalari muhokama qilinadi.
Sammit yakunida qator yirik qoʻshma loyihalarni ishga tushirish va salmoqli ikki tomonlama hujjatlarni imzolash rejalashtirilgan.
Telegramda kuzatib boring!