Namanganda ikki tumanga katta pul ajratilmoqda
Uchqoʻrgʻon tumaniga yil boshidan buyon toʻrtinchi bor mablagʻ berilmoqda.
Namangan viloyati hokimi Shavkat Abdurazzoqovning farmoyishlari bilan Yangiqoʻrgʻon va Uchqoʻrgʻon tumanlariga mablagʻ ajratiladi.
Jumladan, 16 iyul kuni eʼlon qilingan hujjatga koʻra, "Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha maqsadli jamgʻarma" mablagʻlari hisobidan Uchqoʻrgʻon tumaniga 3 mlrd. 463 mln. soʻm beriladi.
Ushbu jamgʻarma hisobidan esa Yangiqoʻrgʻon tumaniga 14 mlrd. 673 mln. soʻm beriladi. Tuman rahbariyatlari mablagʻlarni sarflash boʻyicha tegishli qarorlarni qabul qiladi va hujjatlarni taqdim etadi.
Eslatib oʻtamiz, Namangan viloyati hokimi avval uch marotaba Uchqoʻrgʻon tumaniga katta pul ajratgandi.
14 iyun kuni imzolagan farmoyishlarga koʻra, Yangiqoʻrgʻon tumaniga 2 mlrd. 186 mln. 998 ming soʻm va soʻngra Uchqoʻrgʻon tumaniga 3 mlrd. 287 mln. 694 ming soʻm mablagʻ berilishi maʼlum boʻlgandi.
