Endi firibgarlar birovning nomiga kredit rasmiylashtira olmaydilar
Yangi xizmat bilan foydalanuvchi oʻz kredit tarixini oʻrganilishini cheklab qoʻyishi mumkin boʻladi.
Endilikda firibgarlar birovning nomiga kredit ololmaydi. Yangi ishga tushirilgan xizmat bilan foydalanuvchi oʻz kredit tarixini oʻrganilishini cheklab qoʻyishi mumkin boʻladi.
"Kredit-axborot tahliliy markazi" kredit byurosi kredit axboroti subʼektlarining kredit tarixi va unga oid maʼlumotlarni himoya qilinishi borasida koʻrilayotgan qoʻshimcha chora-tadbirlarni amalga oshirilishi maqsadida, 2024 yilning 20 iyun sanasidan "FREEZE" xizmatini test rejimida ishga tushirganini maʼlum qildi.
Mazkur xizmat orqali kredit axboroti subʼektlari (jismoniy shaxslar) oʻzlariga tegishli kredit tarixi maʼlumotlarini kredit axborotidan foydalanuvchilar tomonidan (yangi kredit buyurtmalari boʻyicha)KATM Kredit byurosidan olinishini cheklab (taqiqlab) qoʻyishlari mumkin boʻladi va kredit tarixi ularning xabarisiz oʻrganilishini oldini olish imkoniyatiga ega boʻladilar.
Ushbu xizmatdan dastlab veb-sayt orqali bepul foydalanish mumkin boʻladi.
Shuningdek, 2025 yil 1 yanvardan esa xizmat pullik asosida bazaviy hisoblash miqdori (BHM) ning 0,03 barobari miqdoridagi (QQSni hisobga olmagan holda) haq evaziga amalga oshiriladi.
Telegramda kuzatib boring!
