BMT: dunyo aholisi koʻpayishi 2080-yillarda toʻxtaydi
Ushbu vaqtda jahon aholisi soni 10,3 milliardga yetishi kutilmoqda.
BMT bashoratiga koʻra, dunyo aholisi keyingi 60 yil ichida oʻsishda davom etadi va 2080 yillarning oʻrtalariga kelib 10,3 milliardga yetadi.
Shundan soʻng, aholi soni asta-sekin kamayib, 2100 yilga kelib 10,2 milliard boʻladi.
BMTning fikricha, Rossiya, Xitoy, Yaponiya va Germaniya kabi mamlakatlarda aholi oʻsish choʻqqisini bosib oʻtgan va faqat qisqarishda davom etadi. Oʻz navbatida, AQSh, Kanada, Avstraliya, Braziliya, Hindiston, Turkiya, Pokiston, Eron va Nigeriya kabi mamlakatlarda aholi sonining koʻpayishi kutilmoqda.
Payshanba kuni kechqurun BMTning Iqtisodiy va ijtimoiy masalalar departamenti (DESA) dunyo aholisi boʻyicha yana bir prognozni eʼlon qildi. Ushbu hisobot BMT tomonidan har ikki yilda chop etiladi.
DECA ekspertlarining fikricha, kelgusi 50-60 yil ichida dunyo aholisi hozirgi 8,2 milliarddan oʻsishda davom etadi, 2080 yillarning oʻrtalarida kutilayotgan eng yuqori choʻqqi 10,3 milliard kishini tashkil qiladi.
Shundan soʻng, oʻsish toʻxtaydi va 2100 yilga borib sayyoramizdagi odamlar soni hatto bir oz kamayib, 10,2 milliardga etadi.
Birlashgan Millatlar Tashkiloti ushbu asrda eng yuqori choʻqqiga chiqish ehtimoli juda yuqori ekanligini alohida taʼkidlaydi - 80 foiz ehtimol.
Shunday qilib, BMT ekspertlari oʻzlarining avvalgi prognozlarini qayta koʻrib chiqdilar, ular XXI asrda eng yuqori choʻqqiga chiqish ehtimoli bor-yoʻgʻi 30 foizni tashkil etadi. Bundan tashqari, joriy prognozga koʻra, 2100 yilda aholi soni avvalgi prognozlarga qaraganda 6 foizga yoki 700 million kishiga kam boʻladi.
Hisobot mualliflarining tushuntirishicha, prognozga kiritilgan oʻzgartirishlar dunyoning baʼzi yirik mamlakatlarida, xususan, Xitoyda tugʻilishning pasayishi haqidagi maʼlumotlar tahliliga asoslangan.