AQShlik siyosatchi: "Ukraina NATOga ertaroq kirganda urush boʻlmasdi"

Agar Ukraina NATO aʼzosi boʻlganida, bu davlatda hech qanday mojaro boʻlmasdi, deya bayonot berdi AQSh prezidenti Donald Trampning milliy xavfsizlik boʻyicha sobiq maslahatchisi Jon Bolton. U Welt nashriga bergan intervyusida bu haqda gapirgan.

"Menimcha, eng muhimi, Jorj Bush 2008 yilda Ukraina va Gruziyani NATOga tezlashtirilgani tarzda qabul qilishni taklif qilgani va Germaniya va Fransiya kabi asosiy ittifoqchilar bunga qarshi chiqqanida yoʻl qoʻyilgan tarixiy xatoni eslash. 

Oʻylaymanki, agar Ukraina NATOga qabul qilinganida edi, biz 2014 va 2022 yilgi bosqinlarni koʻrmagan boʻlardik", dedi u.

Boltonning soʻzlariga koʻra, bu bayonotning isboti - bu barcha voqealardan keyin Finlyandiya va Shvetsiyaga qoʻshilish qarori, chunki bu davlatlar faqat blok chegaralarida xavfsiz boʻlishlarini anglab yetishgan.

10 iyul kuni Amerika arxiv hujjatlaridan maʼlum boʻlishicha, AQSh Milliy xavfsizlik kengashi 1994 yilda Ukraina hamda Markaziy va Sharqiy Yevropaning boshqa davlatlarining NATOga qoʻshilish imkoniyatini qoʻllab-quvvatlash zarurligini eʼlon qilgan. Bu haqda Oq uyning oʻsha paytdagi milliy xavfsizlik boʻyicha maslahatchisi Entoni Leyk va uning oʻrinbosariga yoʻllangan memorandumda aytilgan.

Bundan tashqari, 1997 yilda Rossiyaning oʻsha paytdagi prezidenti Boris Yeltsin amerikalik hamkasbi Bill Klintonga NATO va Ukraina oʻrtasidagi yaqinlashish Rossiyani xavotirga solayotganini aytgan. Yelsin taʼkidlaganidek, bu Rossiya-Ukraina qarama-qarshiliklarini hal qilishga yordam bermaydi va shuning uchun Qoʻshma Shtatlar Kiyev bilan munosabatlarda oʻzini tiyishi kerak.

Amaldagi prezident Vladimir Putin esa Shimoliy Atlantika alyansi sharq tomon kengaymaslik haqidagi vaʼdasini bajarmaganini bir necha bor taʼkidlagan. Putin Ukrainaning NATOga qoʻshilish istagini 2022 yilgi harbiy bosqinga sabab sifatida koʻrsatib keladi.