Amerika kubogida finalchilar maʼlum boʻldi
Turnir favoritlaridan biri sifatida koʻrilgan Urugvay musobaqani tark etdi.
Sport
11-iyul, 9:20
11 iyulga oʻtar kechasi AQShning Sharlotta shahrida Urugvay va Kolumbiya terma jamoalari oʻrtasida Amerika kubogi-2024 yarim final uchrashuvi boʻlib oʻtdi.
Ushbu oʻyinda Kolumbiya terma jamoasi Jefferson Lermaning yagona goli evaziga 1:0 hisobida minimal gʻalabaga erishdi va turnir finaliga yoʻl oldi.
Hal qiluvchi bahsda kolumbiyaliklar Argentina bilan toʻqnash kelishadi. Bir kun avval Lionel Messi va jamoasi Kanadani 2:0 hisobida magʻlub etgandi.
Final 15 iyulga oʻtar kechasi Mayamida boʻlib oʻtadi.
Urugvay esa 3-oʻrin uchun kanadaliklar bilan toʻqnash keladi. Uchrashuv 14 iyulga oʻtar kechasi Sharlotta shahrida boʻlib oʻtadi.
