Angren IESning 5 milliard soʻmga yaqin qarzi bekor qilindi
IES gaz narxining oshishi sabab toʻlovlarning qimmatlashuvi ortidan Raqobat qoʻmitasiga murojaat qilgan.
Raqobat qoʻmitasi aralashuvi bilan Angren IESning 5 mlrd. soʻmga yaqin qarzi bekor qilindi.
Raqobatni rivojlantirish va isteʼmolchilar huquqlarini himoya qilish qoʻmitasi hududiy boshqarmasi tomonidan Angren shahrida faoliyat yurituvchi “ANGREN ISSIQLIK ELEKTR STANSIYASI” AJning qilgan murojaati oʻrganib chiqildi.
Murojaatda “ANGREN ISSIQLIK ELEKTR STANSIYASI” AJ Angren shahrida joylashgan yagona ishlab chiqaruvchi “YEROSTIGAZ” AJ tomonidan ishlab chiqariladigan va muntazam yetkazib beriladigan gazdan yoqilgʻi sifatida foydalanilishi va oʻzaro tuzilgan xoʻjalik shartnomasi orqali gaz xarid qilinishini taʼkidlangan. Jamiyat tomonidan 2023 yil 8 noyabrdan boshlab narxni qimmatlashtirilganligi, yaʼni yetkazib berilgan 1000 m.kub yerosti koʻmir gazi uchun 265 536,32 soʻmdan realizatsiya qilinganligini bildirib “YEROSTIGAZ” AJ tabiiy monopoliya subʼektlari davlat reyestriga kiritilganligini inobatga olib ushbu masalada Qoʻmitadan amaliy yordam berishni soʻragan.
Yuqoridagilarga koʻra hududiy boshqarma tomindan “YEROSTIGAZ” AJga “Raqobat toʻgʻrisida”gi Qonuni 18-moddasi birinchi qismining buzilish alomatlari bilan Vazirlar Mahkamasining 239-sonli qarori bilan tasdiqlangan Nizom talablariga asosan, asosiz hisoblangan 5 mlrd soʻmga yaqin pul mablagʻlari “ANGREN ISSIQLIK ELEKTR STANSIYASI” AJ foydasiga qayta hisob-kitob qilish boʻyicha koʻrsatma berildi.
Eslatib oʻtamiz, avvalroq qoʻmita mineral oʻgʻitlar qimmatlashuvi ortidan "Maxam Chirchiq" korxonasiga qqarshi ish ochgandi.