Agrippina Shin koreys universitetiga rektor boʻldi
Yaqinda u boshchilik qilgan Maktabgacha taʼlim agentligi faoliyatiga tugatilgan edi.
Agrippina Shin Toshkent shahridagi Puchon universiteti rektori lavozimiga tayinlandi. Shin Maktabgacha va maktab taʼlimi vazirining birinchi oʻrinbosari hamdir.
U rahbarlik qilgan Maktabgacha taʼlim agentligi faoliyati prezident farmoni bilan tugatilib, vazirlik tarkibiga oʻtkazilgan edi.
Avvalgi rektor Viktor Nam Toshkent shahridagi “A.I.Gersen nomidagi Rossiya davlat pedagogika universiteti” federal davlat byudjeti oliy taʼlim muassasasi filialining ijrochi direktori lavozimiga tayinlandi.
Shuningdek, Iqbol Meliqoʻziyev Toshkent shahridagi “S.A.Gerasimov nomidagi Butunrossiya davlat kinematografiya instituti” federal davlat byudjeti oliy taʼlim muassasasi filialining direktori lavozimiga tayinlandi.
Eldor Shermanov esa Yunus Rajabiy nomidagi Oʻzbek milliy musiqa sanʼati institutining oʻquv ishlari boʻyicha prorektori – rektori vazifasini vaqtincha bajaruvchi etib 6 oy sinov muddati bilan tayinlandi.