Mirziyoyev Eronning saylangan prezidentini tabrikladi
Prezident maktubida hamkorlik yanada yuqori bosqichga koʻtarilishiga ishonch bildirgan.
Oʻzbekiston Respublikasi Prezidenti Shavkat Mirziyoyev Masʼud Pezeshkiyonni Eron Islom Respublikasi Prezidenti etib saylangani bilan tabrikladi.
Bu haqda prezident matbuot xizmati xabar berdi.
Davlat rahbari oʻz maktubida mamlakatlar oʻrtasidagi koʻp qirrali va uzoq muddatli sheriklik barcha ustuvor yoʻnalishlarda yanada yuqori bosqichga koʻtarilishiga ishonch bildirdi.
"Biz katta salohiyat va imkoniyatga ega boʻlgan, soʻnggi yillarda jadal rivojlanib borayotgan davlatingiz bilan siyosiy, savdo-iqtisodiy, transport-kommunikatsiya va madaniy-gumanitar sohalardagi hamkorlikni bundan buyon ham izchil va samarali kengaytirishdan manfaatdormiz", - deyiladi maktubda.
Eslatib oʻtamiz, 5 iyul kuni boʻlib oʻtgan saylovlarda Masʼud Pezeshkiyon gʻalaba qozondi.
Telegramda kuzatib boring!
