Qirgʻizistonda davlat toʻntarishiga urinish sodir boʻldi
Milliy xavfsizlik davlat qoʻmitasi ushbu ish yuzasidan besh kishini ushlagan.
Qirgʻiziston hukumati bir guruh shaxslarning davlat toʻntarishiga urinish muvaffaqiyatsiz tugaganini eʼlon qildi.
Qirgʻizistonda hokimiyatni zoʻravonlik yoʻli bilan egallab olish va ommaviy tartibsizliklarni rejalashtirganlikda gumon qilingan besh kishi qoʻlga olindi, deb xabar berdi Milliy xavfsizlik davlat qoʻmitasi.
QOʻmita maʼlumotlariga koʻra, hibsga olinganlar guruhi "fuqarolar oʻlimiga sabab boʻlgan ommaviy tartibsizliklar uyushtirish orqali hokimiyatni zoʻravonlik bilan egallab olish va mamlakatdagi ijtimoiy-siyosiy vaziyatni izdan chiqarishni rejalashtirgan".
Hozirda qoʻshimcha tergov-tezkor tadbirlari oʻtkazilmoqda.