Tok oʻchgani uchun suv toshib ketdi — Oʻzsuvtaʼminot
Yunusobod tumanining 6−7-dahalarida magistral suv quvurining yorilishi oqibatida koʻchalarni suv bosdi.
3 iyul kuni Yunusobod tumanining 6−7-dahalarida magistral suv quvurining yorilishi oqibatida koʻchalarni suv bosdi.
"Toshkent shahar suv taʼminoti" matbuot xizmatiga koʻra, bu hodisaga elektr yoʻqligi sabab boʻlgan.
"Buning asosiy sababi yaqin joydagi qozonxonada elektr energiyasi vaqtincha uzilganidir. Shu sababli quvurlarda bosim koʻtarilib ketgan va ularning ulangan chokidan avariya yuzaga kelgan", — deya bayonot berdi "Toshkent shahar suv taʼminoti" matbuot xizmati .
Shaharning turli tumanlaridan jalb qilingan ishchi guruhlari hozirda suv chiqarishni toʻxtatib, taʼmirlash ishlarini olib bormoqda.
FVV bergan maʼlumotga koʻra, holat oqibatida 13 ta koʻp qavatli uyning yertoʻla qismi va ichki yoʻllarga suv kirishi kuzatilgan.
Hodisa natijasida tan jarohati olgan va halok boʻlganlar yoʻq.