Hindistondagi diniy yigʻilishda 100 dan oshiq kishi tiqilinchda halok boʻldi

Hindistonda diniy yigʻinlar chogʻidagi tiqilinchda 100 dan ortiq odam halok boʻldi. BBC ushbu fojia tafsilotlarini eʼlon qildi.

Maʼlum boʻlishicha, fojia mamlakat markaziy qismidagi Uttar-Pradesh shtatining Rati Bxanpur qishlogʻida yuz berdi, uning chekkasida odamlar mashhur voiz Bhole Babuni tinglash uchun yigʻilgan edi.

Bunday diniy uchrashuvlar satsang deb ataladi.

Qurbonlarning shaxsini aniqlash jarayoni hamon davom etmoqda, ularning aksariyati ayollar va bolalardir.

Tiqilinchga aynan nima sabab boʻlgani nomaʼlum. Guvohlarning soʻzlariga koʻra, chiqish yoʻli juda tor boʻlgan va odamlar tadbirni tark etayotganda kuchli chang boʻroni sarosimaga tushib, vahima keltirib chiqargan, natijada koʻplab odamlar oyoq ostida qolib ketgan.

Oʻlgan va fojiadan dahshatga tushgan ishtirokchilar shifoxonalarga yuk mashinalarida, hatto mototsikllarda olib kelingan. Shifoxona ichida yetarli joy yoʻq edi, jasadlar toʻgʻridan-toʻgʻri kiraverishda toʻplana boshladi.

Ijtimoiy tarmoqlarda paydo boʻlgan videolardan birida ayolning yuk mashinasi orqasida bir nechta jonsiz jasadlar ustidan yigʻlayotgani, boshqasida esa yonma-yon joylashtirilgan erkak va ayolning jasadlari aks etgan.

Hodisa haqida axborot ilk bor 2 iyul sanasida berilgandi, oʻshanda jami 27 nafar qurbon haqida maʼlum qilingandi.