Shavkat Mirziyoyev Qozogʻistonga boradi
Prezident Ostonada ShHT davlat rahbarlari kengashi majlisida qatnashadi.
![Shavkat Mirziyoyev Qozogʻistonga boradi](https://cp.platina.uz/media/CACHE/images/dac7313b-99eb-a1ab-bdc7-d5028bd9984e_lists_slider_.14bb85bebb1c.webp)
Oʻzbekiston Respublikasi Prezidenti Shavkat Mirziyoyev Qozogʻiston Prezidenti Qasim-Joʻmart Toʻqayevning taklifiga binoan Shanxay hamkorlik tashkiloti davlat rahbarlari kengashining navbatdagi majlisi va "ShHT plyus" formatidagi uchrashuvda ishtirok etish uchun 3-4 iyul kunlari amaliy tashrif bilan Ostona shahrida boʻladi.
Sammit kun tartibidan ShHT doirasidagi koʻp qirrali hamkorlikni yanada rivojlantirish va tashkilot faoliyatini takomillashtirishning dolzarb masalalari oʻrin olgan.
Xalqaro va mintaqaviy hamkorlikning muhim jihatlari ham koʻrib chiqiladi.
Yigʻilish yakunida Ostona deklaratsiyasi hamda iqtisodiyot, xavfsizlik, ekologiya, energetika, turizm va boshqa koʻplab yoʻnalishlarda sheriklikni kengaytirish boʻyicha hujjatlar qabul qilinishi rejalashtirilgan.
Tashrif doirasida Oʻzbekiston yetakchisi xorijiy delegatsiyalar rahbarlari bilan qator ikki tomonlama uchrashuvlar ham oʻtkazadi deyiladi prezident matbuot xizmati xabarida.