Zelenskiy Putin bilan muzokara jarayoniga rozilik bildirdi
Ammo bu muzokaralar vositachi davlatlar ishtirokida boʻlishi kerak.
Ukraina prezidenti Vladimir Zelenskiy Phladelphia Inquirer nashriga bergan intervyusida Rossiya prezidenti Vladimir Putin bilan muzokaralar oʻtkazish masalasiga rozi boʻldi.
Ilgari u Ukrainada hatto qonun bilan mustahkamlangan bunday muzokaralarning mumkin emasligi haqida bir necha bor gapirgandi.
Zelenskiyning soʻzlariga koʻra, Rossiya yetakchisi bilan muzokaralarning yagona varianti vositachilardan foydalanishdir, chunki bu Qora dengiz don yoʻlagini muhokama qilish va yaratish jarayonida amalga oshirilgan.
"Ushbu model Ukraina Rossiya bilan emas, balki BMT va Turkiya bilan muzokaralar olib borganida, don yoʻlagi misolida birinchi marta qoʻllanilgan. Ular, oʻz navbatida, biz bilan muzokaralar olib borish, keyin esa Rossiya Federatsiyasi bilan tegishli shartnoma imzolash masʼuliyatini oʻz zimmalariga olishdi. Bu shunday ishladi: BMT va Turkiya oʻrtasidagi ikkita kelishuv amal qildi", — dedi Zelenskiy.
Zelenskiyning soʻzlariga koʻra, vazifa Ukraina va ukrainaliklarning barchasini butunlay yoʻq qilishning oldini olish, ukrainaliklarning hozirgi va kelajak avlodlari xavfsizligini taʼminlashdan iborat.
Ukraina prezidenti taʼkidlaganidek, iqtisodiy xavfsizlik mamlakatning Yevropa Ittifoqiga aʼzoligidir.
Bundan tashqari, u Ukraina NATOda boʻlishi kerakligiga ishonadi, chunki busiz uning mamlakati uchun katta xavf mavjud.
Eslatib oʻtamiz, Putin avval toʻrtta hududdan voz kechish evaziga Ukraina bilan kelishuvga rozilik bildirgandi. Kiyev buni qabul qilmagan.