Eron va Afgʻonistonning qator hududlarida "jahannam jaziramasi" kutilmoqda
Mazkur davlatlardagi issiq harorat keyinchalik Oʻzbekiston hududlariga ham taʼsir etishi mumkin.
Yaqin kunlarda Eron va Afgʻonistonning bir qancha hududlarida "jahannam" jaziramasi boʻlishi kutilmoqda. Bu haqda Meteojurnal xabar berdi.
1—2 iyul kunlari Dasht-Lut choʻl hududlarida (mamlakat janubi-sharqida) havo harorati +44...+49°, janubi-gʻarbiy qismida deyarli +50° issiq boʻladi. 3-4 iyul kunlari Dasht-Lutda havo harorati +49…+54°gacha yetadi.
Afgʻonistonning qoʻshni viloyatlarida, Farah va Nimroz viloyatlarida havo harorati +45...+50° gacha koʻtariladi.
Bu yoz Fors koʻrfazi mamlakatlari, janubiy va sharqiy Eron, janubiy Afgʻoniston, Pokiston va Hindistonda gʻayritabiiy issiqlik va davomiylik bilan ajralib turadi, hattoki soʻnggi oʻn yillikning oʻrtacha koʻrsatkichlari bilan solishtirganda, bu eng issiq boʻldi.
Fors koʻrfazi mintaqasida, bir necha hafta davomida, tor qirgʻoq chizigʻidan tashqari, kun davomida maksimal harorat deyarli hech qachon +40 ° dan pastga tushmadi.
Yer yuzida qayd etilgan eng yuqori harorat +56,7° boʻlib, 1913 yilda Oʻlim vodiysida qayd etilgan. Koʻrib turganingizdek, Erondagi Dasht-Lut choʻlidagi bashorat qilingan harorat sayyoramizdagi maksimal harorat boʻyicha mutlaq rekordga yaqin boʻladi.