Elektromobillarning asosiy kamchiligi maʼlum qilindi
Ushbu turdagi avtomobillarning koʻpchiligi dasturiy taʼminot borasida kamchiliklarga duch kelmoqda.
JD Power tadqiqotchilarining taʼkidlashicha, elektromobillarning nosozliklari koʻpincha dasturiy taʼminot bilan bogʻliq.
Bu haqda The Verge nashri xabar berdi. Tahlilchilar elektr transport vositalari, gibrid avtomobillar va ichki yonuv dvigatelli (ISE) avtomobillarning buzilishi holatlarini tahlil qilishdi.
Maʼlum boʻlishicha, elektr avtomobillar va plaginli gibridlar deyarli har bir parametr - dvigatel, shassi, yonilgʻi komponentlari va boshqalar boʻyicha ichki yonuv dvigatelli avtomobillarga qaraganda tez-tez buziladi. Soʻrov natijalariga koʻra, 100 ta benzin va dizel yoqilgʻisiga 180 ta, elektromobilga 266 ta taʼmirlash ishlari toʻgʻri kelgan. Yigʻilgan maʼlumotlar asosida mutaxassislar elektr transportining asosiy muammosi – dasturiy taʼminotni aniqlashga muvaffaq boʻldi.
Deyarli har doim muammolar elektronika bilan bogʻliq edi.
JD Power eksperti Frenk Xenlining soʻzlariga koʻra, elektromobillar va gibrid avtomobillarning jiddiy buzilishlari ichki yonuv dvigatelli avtomobillarga qaraganda uch barobar koʻp qayd etilgan.
Bunday muammolar yuzaga kelgan taqdirda mashinani dilerga olib borib boʻlmaydi va uni taʼmirlash talab qilinadi – muammoni yuqori texnik darajada tuzatish kerak. Verge zamonaviy elektromobillarni "gʻildirakli kompyuterlar" deb atadi. Jurnalistlarning taʼkidlashicha, avtosanoat "oʻz modellariga iloji boricha koʻproq dasturiy taʼminotni oʻrnatishga xaotik tarzda harakat qilmoqda".
