Pavel Durov Oʻzbekiston taassurotlarini eʼlon qildi

Telegram asoschisi Pavel Durov Oʻzbekistonga qilgan safari taassurotlari bilan boʻlishdi.

"Bu hafta men Oʻzbekistonga tashrif buyurdim va juda xursand boʻldim. Oʻzbekiston Telegramni yaxshi koʻradi: mamlakatning 37 million aholisining 70 foizdan ortigʻi Telegramdan foydalanadi va ularning butun iqtisodiyoti bizning platformamizda boshqariladi (mamlakatdagi har bir tashkilotda Telegram boti yoki kanali mavjud). Biz bu mashhurlikdan faxrlanamiz", deya yozgan Durov.

Messenjer asoschisi Toshkentning zamonaviy infratuzilmasi, Sharqiy Oʻzbekistonning togʻli landshaftlari, Buxoro va Samarqandning boy tarixi uni hayratda qoldirganini taʼkidlagan.

Pavel Durov bundan tashqari yil oxirigacha yana Toshkentga kelishini inkor etmagan.