Qozogʻistonda terrorizm targʻibotida ayblangan bir necha kishi ushlandi
Milliy xavfsizlik qoʻmitasi Turkiston viloyatida tezkor tadbir oʻtkazgan.
Qozogʻiston Milliy xavfsizlik qoʻmitasi respublikaning Turkiston viloyatida terrorizmni targʻib qilishda gumon qilingan toʻrt nafar mamlakat fuqarosini qoʻlga oldi.
Bu haqda boshqarma matbuot xizmati xabar berdi.
Dastlabki maʼlumotlarga koʻra, qoʻlga olinganlardan biri uzoq vaqt xorijda yashab, u yerda "radikal mafkura"ga aloqador boʻlgan. Tintuv chogʻida gumonlanuvchilardan diniy adabiyotlar va boshqa ashyoviy dalillar olib qoʻyildi.
May oyi oxirida Qozogʻiston Milliy xavfsizlik qoʻmitasi yil boshidan buyon mahalliy maxsus xizmatlar ikkita teraktning oldi olingani haqida xabar bergan edi.
Qayd etilishicha, 26 nafar "radikal diniy mafkura" tarafdori terrorchilik va ekstremistik faoliyatda aybdor deb topilgan, yana 22 nafar shaxsga nisbatan tergovga qadar tergov harakatlari olib borilmoqda.