Zomin aeroportiga ilk xalqaro reys qoʻndirildi
Birinchi xalqaro reys "Urumchi-Zomin" yoʻnalishida amalga oshirilgan.
Zomin aeroportiga birinchi xalqaro reys qoʻndi. Bu haqda Platina.uz manbasi xabar berdi.
Bugun, 26 iyun kuni mahaliy vaqt bilan soat 13:25 da “Zomin” aeroportiga II Xalqaro maqom sanati anjumani boshlanishi arafasida sinov tariqasida “Urumchi - Zomin” yoʻnalishida “Oʻzbekiston havo yoʻllari”ga qarashli A320 uchogʻi kelib qoʻndi. Havo kemasining qoʻnishi muvaffaqiyatli amalga oshdi.
Eslatib oʻtamiz, Zomin aeroporti 2023 yil 1 sentabrda ochilgandi.
Aeroport majmuasi uzunligi 1200 metr boʻlgan asfalt uchish-qoʻnish yoʻlagi, ikkita samolyot turishi uchun joy, boshqaruv minorasi va toʻgʻridan-toʻgʻri aeroport binosi bilan jihozlangan boʻlib, katta zal yoʻlovchilarga parvozlarni bemalol kutish imkoniyatini beradi.
Shuningdek, avtomobillar uchun toʻxtash zonasi yaratilishi ham nazarda tutilgan, kelajakda esa vertolyot maydonchasi qurilishi rejalashtirilgan.