Shimoliy Koreya muvaffaqiyatsiz ballistik raketa sinovini amalga oshirdi
Yapon dengizi tomon uchirilgan raketa bilan bogʻliq sinovda koʻzlangan maqsadga erishilmagan.
Shimoliy Koreya Yapon dengizi tomon ballistik raketa uchirdi, deya xabar bermoqda Yonhap shtab boshliqlari birlashgan qoʻmitasiga asoslanib.
Agentlikka yaqin harbiy manbaning aytishicha, Shimoliy Koreya muvaffaqiyatsiz urinishni amalga oshirgan deb taxmin qilingan.
Raketa 25iyun kuni Pxenyan hududidan Yaponiya dengizi tomon uchirilgan. Shtab boshliqlari birlashgan qoʻmitasi Janubiy Koreya va AQSh tahlil oʻtkazayotganini maʼlum qildi. Yonhap manbasiga koʻra, ballistik raketa taxminan 250 km masofani bosib oʻtgan, biroq sinov uchirish "muvaffaqiyatsiz yakunlangan".
27 may kuni Shimoliy Koreya harbiy razvedka sunʼiy yoʻldoshi boʻlgan yangi turdagi raketa uchirilishi muvaffaqiyatsiz yakunlangani haqida xabar bergandi. Raketa havoda portladi.
Uch kundan keyin Shimoliy Koreya Yapon dengizi tomon 10 ta qisqa masofali ballistik raketa uchirdi.