Vengriya bosh vaziri korteji YTHga uchradi, bir politsiyachi halok boʻldi
Viktor Orban Shtutgartda Vengriya terma jamoasining futbol uchrashuvini tomosha qilib qaytayotgan boʻlgan.
Shtutgartda avtomobil Vengriya bosh vaziri Viktor Orban kortejiga hamrohlik qilayotgan politsiyachining mototsikli bilan toʻqnashib ketdi, deya xabar qilmoqda Bild nashri.
Gazetaning yozishicha, hodisa oqibatida 61 yoshli politsiyachi halok boʻlgan, yana bir politsiyachi jarohat olgan.
Voqea sodir boʻlgan vaqtda Orban aeroportga ketayotgan edi. Avvalroq Shtutgartda u Vengriya terma jamoasining 2024 yilgi futbol boʻyicha Yevropa chempionatidagi oʻyinini tomosha qilish stadionga tashrif buyurgan edi.
Orban avtohalokatda jabrlanganmi yoki yoʻqmi nomaʼlum.
Eslatib oʻtamiz, 23 iyun kuni Shtutgartda Vengriya va Shotlandiya terma jamoalari oʻrtasidagi oʻyinda vengerlar 1:0 hisobida gʻalaba qozonishdi.