Jahon futboli yulduzlari Oʻzbekistonga keladi

Yoshlar oyligi doirasida 29 iyun kuni dunyoga mashhur futbol yulduzlari Oʻzbekistonga tashrif buyurishadi. Ular orasida italiyalik va braziliyalik yulduzlar bor. 

Xususan:

Dida (Jesus Silva) - darvozabon, Braziliya terma jamoasining sobiq aʼzosi, jahon chempioni, ikki karra Milan klubi bilan UEFA Chempionlar Ligasi gʻolibi.

Kristian Panuchchi - Italiya terma jamoasining sobiq himoyachisi, Real Madrid va Milan jamoalari bilan ikki marta UEFA Chempionlar Ligasi gʻolibi.

Kristian Zakkardo - Italiya terma jamoasining sobiq aʼzosi, oʻng qanot himoyachisi, jahon va Bundesliga chempioni.

Serjinio (Serjio Klaudio dos Santos) - Braziliya terma jamoasining sobiq aʼzosi, yarim himoyachi, jahon chempioni, ikki karra Milan klubi bilan UYeFA Chempionlar Ligasi gʻolibi.

Uchrashuv 29 iyun kuni soat 15:00 da Yoshlar ijod saroyida boʻlib oʻtadi. Unda futbol tarixi, buguni va kelajak istiqbollari, Oʻzbekistonda sohadagi islohotlar haqida bahslar boʻlib oʻtadi.