Bokuda qidiruvdagi shaxsni ushlash paytida uch politsiyachi halok boʻldi
Ayblanuvchi taslim boʻlishdan bosh tortib, oʻz oila aʼzolaridan tirik qalqon sifatida foydalangan.
Bokuda jinoyatchini qoʻlga olish chogʻida uch politsiyachi va bir fuqaro halok boʻldi.
24 iyun kuni Boku shahri, Xazar tumanida bir necha bor sudlangan va qidiruvda boʻlgan 1986 yilda tugʻilgan Ollohverdiyev Rovshan Oʻgʻtay oʻgʻlini qoʻlga olish chogʻida militsiya xodimlariga qurolli qarshilik koʻrsatgan.
Natijada bir fuqaro va uch politsiyachi halok boʻlgan. Bu haqda Ozarbayjon Ichki ishlar vazirligi va Bosh prokuraturasining qoʻshma bayonotida maʼlumot berildi.
“Jinoyatchi politsiyaning oʻch olishiga yoʻl qoʻymaslik maqsadida oʻz oila aʼzolaridan tirik qalqon sifatida foydalangan va vaziyatdan foydalanib, "Lankaster" rusumli ov miltigʻidan oʻq uzgan, natijada bir fuqaro va uch nafar politsiyachi halok boʻlgan.
Koʻrilgan choralar natijasida R.Ollaxverdiyev ichki ishlar xodimlari tomonidan zararsizlantirildi. Mazkur holat yuzasidan jinoyat ishi qoʻzgʻatilib, tergov harakatlari olib borilmoqda”, — deyiladi boshqarmalarning qoʻshma bayonotida.