Yevro-2024: Portugaliya Turkiyani tor-mor etdi
Ronaldu boshliq jamoa keyingi bosqich masalasini hal qildi.
Yevropa chempionati F guruhi 2-turida Turkiya va Portugaliya terma jamoalari maydonga tushdi. Oʻyinda Ronaldu jamoadoshlari yirik hisobda gʻalaba qozondi.
Hisobni 21-daqiqada Silva ochgan boʻlsa, oradan 7 daqiqa oʻtib, turk himoyachisi va darvozaboni bir-birini tushunmasligi oqibatida kulgili avtogol urildi.
Uchinchi golni Ronaldu va Fernandesh tandemi urdi. Krishtianu yakkama-yakka holatda gol urmay, yonida ochilgan Brunuga pasni qizgʻanmadi.
Shu tariqa guruhda Portugaliyada 6, Turkiyada 3, Chexiya va Gruziyada 1 ochkodan bor.
Yevro-2024, F guruhi, 2-tur
Turkiya - Portugaliya 0:3
Gollar: Silva 21, Oqoydin 28 avtogol, Fernandesh 55
