BMT Isroilga qurol yetkazishni toʻxtatishga chaqirdi
BMT ekspertlarining fikricha, qurol savdosi va uni tashishni moliyalashtirgan kompaniyalar ham javobgarlikka tortilishi kerak.
BMT Isroilga qurol yetkazib berishni toʻxtatishga chaqiriq bilan chiqdi.
BMT ekspertlari Isroilga qurol-yarogʻ va oʻq-dorilar yetkazib beruvchi kompaniyalar insoniyatga qarshi jinoyatlarga sherik boʻlish xavfini va genotsidga aloqadorlik uchun jinoiy javobgarlikka tortilishi mumkinligini aytdi, deb yozadi Euronews.
BMT hisobotida dunyodagi eng yirik qurol ishlab chiqaruvchilar roʻyxati keltirilgan boʻlib, mutaxassislar fikricha, ular haqiqiy javobgarlikka tortilishi mumkin. Bundan tashqari, bu vositachilar va uchinchi davlatlar orqali bilvosita yetkazib berishga ham tegishli.
BMT ekspertlarining fikricha, qurol savdosi va uni tashishni moliyalashtirgan kompaniyalar ham javobgarlikka tortilishi kerak.
Bu fonda Isroil va Qoʻshma Shtatlar oʻrtasidagi munosabatlar yana qurol-yarogʻ taʼminoti tufayli yomonlashdi. Oq uy Bosh vazir Benyamin Netanyaxuning Qoʻshma Shtatlar qurol-yarogʻ yetkazib berishni kechiktirayotganini aytib, hafsalasi pir boʻlganini bildirdi.
Amerikalik siyosatchilar va diplomatlar Netanyaxu qanday kechikishlar haqida gapirayotganini bilmasliklarini aytishdi. Vashingtonning taʼkidlashicha, hech bir davlat Isroilni qoʻllab-quvvatlash uchun Amerika Qoʻshma Shtatlaridek koʻp ish qilmagan.
Avvalroq AQSh tomoni Ukraina va Isroilga koʻp milliardlik yordam paketini maʼqullagandi.