Jizzax hokimi uchastkalari olib qoʻyilgan shaxslar uchun milliardlab pul ajratdi
Zomin tumani aeroporti rekonstruksiya qilinayotgani munosabati aholidan yer uchastkalari olib qoʻyilgan.
![Jizzax hokimi uchastkalari olib qoʻyilgan shaxslar uchun milliardlab pul ajratdi](https://cp.platina.uz/media/CACHE/images/Ergash_Soliyev.215e5bc72f0c.webp)
Jizzax viloyati hokimi Ergash Saliyevning "Viloyatda jamiyat va davlat manfaatlari uchun yer uchastkalarini olib qoʻyilishi munosabati bilan jismoniy va yuridik shaxslarga yetkazilgan zararlarni qoplash boʻyicha" qarori eʼlon qilindi.
Unda Zomin tumani aeroporti rekonstruksiya qilinayotgani munosabati bilan olib qoʻyilgan yer uchastkalari sabab yetkazilgan zarar uchun 12 mlrd. soʻm ajratish boʻyicha maʼlumot berilgan.
Qarorga koʻra, yer uchastkalarini olib qoʻyish sabab jismoniy va yuridik shaxslarga yetkazilgan zararlarni qoplash boʻyicha jamgʻarmadan 3,5 mlrd. soʻm ajratilishi belgilangan.
Mazkur qaror ijrosini nazorat qilish Jizzax viloyati hokimi birinchi oʻrinbosari A,Mustanov zimmasiga yuklatilgan.