Surxondaryoning ayrim hududlarida ichimlik suvi narxlari oshadi
Unga koʻra, aholi uchun bir metr kub suv narxi 1900 soʻm, hisoblagichsiz esa 2850 soʻmni tashkil etadi.
"Termiz temir yoʻl suv taʼminoti" shoʻʼba korxonasida ichimlik va oqova suv narxlarini belgilash toʻgʻrisida qaror eʼlon qilindi. Mazkur hujjat Xalq deputatlari Surxondaryo viloyati kengashi tomonidan qabul qilingan.
Unga koʻra, aholi uchun bir metr kub suv narxi 1900 soʻm, hisoblagichsiz esa 2850 soʻmni tashkil etadi. Ulgurji isteʼmolchilar va temir yoʻl korxonalari uchun narxlar 2300 soʻmni tashkil etadi.
Suv oʻlchagichsiz ichimlik suvidan foydalanishda bir oilada bir nafar odam uchun 15 675 soʻm, besh nafar kishiga 78 ming 375 soʻm, oʻn nafar kishiga esa 156 ming 750 soʻmni tashkil etadi.
Mazkur qaror ommaviy axborot vositalarida eʼlon qilingandan oʻn besh kun oʻtib kuchga kiradi.
10 iyundan boshlab Toshkent viloyatining ayrim hududlarida suv narxi salkam 4 karra oshirilgandi.