Taniqli xonanda Jastin Timberleyk qamoqqa olindi
Politsiya uni mast holatda mashina boshqargani uchun hibsga olgan.
Nyu-York shtati politsiyasi taniqli amerikalik qoʻshiqchi va aktyor Jastin Timberleykni mast holda mashina haydagani uchun hibsga oldi. Tez orada unga rasman ayblov eʼlon qilinadi.
U boy Nyu-yorkliklar uchun yozgi dam olish maskani sifatida tanilgan Long-Aylenddagi Sag Harbor shahrida hibsga olingan.
Amerika politsiyasi hozircha Timberleyk qanday sharoitda hibsga olingani haqida maʼlumot bermadi.
43 yoshli Timberleyk oʻzining oltinchi albomi Everything I Thought It Was chiqqandan soʻng tez orada dunyo gastrollarini boshlashi kutilayotgandi.
Timberleyk dunyodagi eng mashhur musiqa sanʼatkorlaridan biridir. U 2002 yilda oʻzining Justified nomli birinchi yakkaxon albomini chiqardi, u 8 million nusxadan ortiq sotilgan.
Oʻtgan yili oʻz intervyusida Timberleyk faoliyatida spirtli ichimliklarga qaram boʻlib qolgan paytlarini esga olgan. U oʻz hayotini oʻzgartirish, spirtli ichimliklarga qaramlikdan xalos boʻlishni va umuman sogʻligʻiga gʻamxoʻrlik qilishni maqsad qilganini aytgan.