Yevro-2024: birinchi sensatsiya qayd etildi
Ye guruhidagi ikkinchi oʻyinda Belgiya va Slovakiya maydonga tushdi
Yevropa chempionati Ye guruhidagi ikkinchi oʻyinda nomdor Belgiya termasi Slovakiyaga qarshi maydonga tushdi va kichik hisobda magʻlubiyatga uchradi.
Slovakiya terma jamoasi nafaqat guruhning, balki musobaqaning ham eng kuchsiz jamoalaridan biri sifatida koʻrilayotgan edi. Oʻyindagi yagona golni Ivan Shrans 7-daqiqada kiritdi.
Belgiyaliklar ikkinchi boʻlimda 2 marta gol urdi, ammo birida ofsayd, ikkinchisida qoʻl bilan oʻynalgani uchun bekor qilindi. Shu tariqa birinchi sensatsiya qayd etildi.
Yevro-2024, Ye guruhi, 1-tur
Belgiya - Slovakiya 0:1
Gol: Shrans 7
