BMT vakili: Gʻazoga iyulda dahshatli ocharchilik xavf solmoqda

Birlashgan Millatlar Tashkilotining Jahon oziq-ovqat dasturi Rafahdagi omborlarda oziq-ovqat zahiralari tugagani sababli Gʻazo sektori janubidagi vaziyat yomonlashishidan xavotirda.

Bu haqda WFP ijrochi direktori oʻrinbosari Karl Skau maʼlum qildi.

"Biz Rafahdagi operatsiya oldidan odamlarga oziq-ovqat berish uchun zaxiralarni tayyorladik, ammo u tugamoqda va bizda avvalgidek kirish imkonimiz yoʻq", dedi rasmiy va muammo yanada kuchayganini taʼkidladi.

Uning aytishicha, "bir millionga yaqin odam tor joyga tiqilib qolgan".

Skau, shuningdek, Gʻazo janubida "suv va kanalizatsiya falokati" borligiga ishonishini aytdi.

"Bu yerda bizda suv taʼminoti va sanitariya sohasida haqiqiy ofat bor, odamlar koʻchalarda, plyajda, eng yaxshisi, qandaydir boshpana bilan chodirlar qurishadi" - dedi u.

Skau, shuningdek, WFP yordam yuk mashinalari Gʻazodagi chegara oʻtish joylaridan oʻtishni kutayotganini aytdi.

"Biz kuniga besh-sakkiz soatni nazorat-oʻtkazish punktlarida oʻtkazamiz", dedi Skau.

BMT agentliklariga koʻra, Gʻazoda milliondan ortiq odam iyul oyi oʻrtalariga qadar qattiq ocharchilikka duch kelishi mumkin.

BMT avvalroq Gʻazoda halok boʻlgan bolalar sonini maʼlum qilgandi.