Uchqoʻrgʻon hokimiyatiga uchinchi marta milliardlar ajratilyapti
Yangiqoʻrgʻon tumaniga ham 2 mlrd. soʻmdan oshiq pul beriladi.
Namangan viloyati hokimi Shavkat Abdurazzoqov ikki tumanga jami 5 milliard soʻmdan oshiq mablagʻ ajratish boʻyicha ikki farmoyishni imzoladi. Hokim yil boshidan buyon Uchqoʻrgʻon tumani uchun ikki bor shunday hujjatlarni tasdiqlagandi.
Bu safar 14 iyun kuni imzolagan farmoyishlarga koʻra, Yangiqoʻrgʻon tumaniga 2 mlrd. 186 mln. 998 ming soʻm va soʻngra Uchqoʻrgʻon tumaniga 3 mlrd. 287 mln. 694 ming soʻm mablagʻ beriladi.
Ushbu pullar viloyat hokimligi huzuridagi "Jismoniy va yuridik shaxslarga yetkazilgan mulkiy zararlarni kompensatsiya qilish jamgʻarmasi" hisobidan tuman hokimliklariga beriladi.
Uchrqoʻrgʻon tumaniga may oyida ham viloyatdan milliardlab soʻm mablagʻ berilgandi.