Uch nafar oʻzbekistonlik IShIDga aloqador "qora roʻyxat"ga qoʻshildi

AQSh uch nafar oʻzbekistonlikni IShIDga aloqadorlar roʻyxatiga kiritdi.

AQSh Turkiya bilan hamkorlikda IShIDga aloqador uch nafar oʻzbekistonlikni "qora roʻyxat"ga qoʻshdi. Bu haqda Davlat departamenti xabarida maʼlum qilingan.

Ular uch nafarni tashkil qiladi. Roʻyxatda nomi keltirilgan Muhammadyusuf Alisher oʻgʻli Mirzoyev — 2023 yilda IShID bilan bogʻliq harbiy oʻquv lagerini tashkil etish ishlarida ishtirok etgan.

- Muhammad Ibrohimjon Niyozov — IShID aʼzolariga maʼmuriy va logistik yordam koʻrsatgan.

- Olimxon Mahmudjon oʻgʻli Ismoilov — IShID bilan bogʻliq kontrabanda tarmogʻi aʼzosi.

Mazkur shaxslarning AQShdagi yoki AQSh fuqarolari nazoratidagi barcha mulklari va mol-mulk manfaatlari bloklanadi. Ular bilan muayyan operatsiyalarni amalga oshirgan har qanday AQSh yoki xorijlik fuqarolar sanksiyaga uchrashi mumkin.