Sadir Japarov davlat tashrifi bilan Oʻzbekistonga keladi
Bu haqda Qirgʻiziston Iqtisodiyot va savdo vaziri oʻrinbosari Sanjar Bolotov maʼlum qildi.
Yaqin orada Qirgʻiziston Respublikasi Prezidenti Sadir Japarov Oʻzbekistonga davlat tashrifi bilan keladi.
Bu haqda 13 iyun kuni Bishkekdagi Qirgʻiziston-Oʻzbekiston biznes-forumining ochilishida Qirgʻiziston Iqtisodiyot va savdo vaziri oʻrinbosari Sanjar Bolotov maʼlum qildi.
"Ikki davlat prezidentlarining boʻlajak uchrashuvi mamlakatlarimiz oʻrtasidagi doʻstona aloqalarni mustahkamlash, qoʻshnichilik va oʻzaro manfaatli munosabatlarni rivojlantirish yoʻlidagi mushtarak irodani oʻzida mujassamlashtirgan muhim lahza boʻladi.
Prezidentlarimiz oldimizga mamlakatlarimiz oʻrtasidagi tovar ayirboshlash hajmini 2 milliard dollarga yetkazish vazifasini qoʻygan. Bu ambitsiyali, ammo erishish mumkin boʻlgan maqsad. Bu maqsadga erishish uchun biz birgalikda harakat qilishimiz, barcha mavjud vosita va mexanizmlardan foydalanishimiz kerak.
Ishonchim komilki, biz birgalikdagi saʼy-harakatlar bilan nafaqat erishamiz, balki bu koʻrsatkichdan ham oshib ketamiz, - degan Sanjar Bolotov.