Janubiy Koreya prezidenti Toshkentda kutib olindi
Oʻzbekiston prezidenti Shavkat Mirziyoyev oliy martabali mehmonni qarshi oldi.
Janubiy Koreya prezidenti Toshkentda kutib olindi.
14 iyun kuni Koʻksaroy qarorgohida Oʻzbekistonga davlat tashrifini amalga oshirayotgan Koreya Respublikasi prezidenti Yun Sok Yolni tantanali kutib olish marosimi boʻlib oʻtdi.
Qarorgoh oldidagi maydonda ikki davlat bayroqlari koʻtarildi va faxriy qorovul saf tortdi.
Oʻzbekiston Respublikasi prezidenti Shavkat Mirziyoyev oliy martabali mehmonni samimiy qarshi oldi va shohsupaga taklif qildi. Davlat madhiyalari yangradi.
Harbiy orkestr sadolari ostida yetakchilar faxriy qorovul safi oldidan oʻtdilar hamda rasmiy delegatsiyalar aʼzolarini bir-birlariga tanishtirdilar.
Birgalikda suratga tushilgandan soʻng tor doiradagi muzokaralar boshlandi.