Qurbon hayiti kuni metro bepul boʻladi
Bayram kuni metro faoliyatini odatdagidan ikki soat oldin, tongi soat 03:00 dan boshlaydi.
Jamiyat
12-iyun 2024 yil
Qurbon hayiti bayramida metro bepul boʻladi. Bu haqda Toshkent metropoliteni xabar berdi.
2024 yil 16 iyun — Qurbon hayiti bayrami kuni yoʻlovchilarga qulaylik yaratish maqsadida, Toshkent metropoliteni odatdagidan ikki soat oldin, yaʼni, tongi soat 03:00 dan ish faoliyatini boshlaydi.
Bundan tashqari, bayram kunida barcha yoʻlovchilar uchun Toshkent metropoliteni soat 03:00 dan 10:00 ga qadar yoʻlovchilarga bepul xizmat koʻrsatadi.
Shuningdek, metro yoʻlovchilariga bayram munosabati bilan belgilangan boshqa dam olish kunlarida esa yakshanba kuni uchun tasdiqlangan jadval asosida soat 05:00 dan xizmat koʻrsatiladi.
