"Oʻzbekiston temir yoʻllari" ayrim poyezdlarda chipta narxini oshirmoqda
"Nasaf", "Sharq", "Oʻzbekiston" poyezdlari chipta narxlarining tarif qismi 25 foizga oshiriladi.
"Oʻzbekiston temir yoʻllari" AJ 2024 yilning 1 iyul sanasidan mahalliy yoʻnalishlardagi yoʻlovchi poyezdlar — "Nasaf", "Sharq", "Oʻzbekiston" poyezdlari chipta narxlarining tarif qismi 25 foizga oshirilishini maʼlum qildi.
Misol tariqasida, 12, 4-sonli "Toshkent — Qarshi» yoʻnalishi avvalgi narxlari:
ekonom — 150 600, biznes 218 244 soʻm. Hozirgi narx: ekonom — 178 250, biznes — 262 805 soʻmni tashkil qilmoqda.
Yoʻlovchi poyezdlarda qoʻshimcha servis xizmatlarini joriy etish, ularni yanada rivojlantirish, yoʻlovchi vagon parklarini yangilash, modernizatsiya qilish, yangi elektropoyezdlarni xarid qilish, vokzallarni zamon talablariga moslashtirishni hisobga olgan holda chiptalar narxiga oʻzgartirishlar kiritilmoqda, deyiladi izohda.
Eslatib oʻtamiz, aprel oyida Afrosiyob poyezdi chiptalari bir yilda uchinchi bor oshirilgandi.