Sardoba suv omborida kichik GES quriladi
Mazkur GES bitgach, mamlakat umumiy elektr tarmogʻiga oʻrtacha 27,9 mln. kilovatt elektr qoʻshilishi aytilgan.
"Oʻzbekgidroenergo" AJ Sardoba suv omborida kichik GES quradi, bu haqdagi konsepsiyani viloyat deputatlari bugun tasdiqlashgan.
Qiymati 17,6 mln. dollar boʻlgan ushbu loyiha 2024-2027 yillarda qurib bitkaziladi. "Oʻzbekgidroenergo" AJning 2024 yil 20 fevraldagi bayonnomasi asos qilib olingan.
Loyihaga koʻra, mazkur GES bitgach, mamlakat umumiy elektr tarmogʻiga oʻrtacha 27,9 mln. kilovatt elektr qoʻshilishi aytilgan.
Eslatib oʻtamiz, "Oʻzbekgidroenergo" tomonidan qurilgan Sardoba suv ombori 2020 yilda oʻpirilgach, katta suv toshgan, bir necha tumanlar va Qozogʻistonning maʼlum qismi ham suv ostida qolgan edi.