Qozogʻistonning Oʻzbekiston bilan chegaradosh viloyatiga chigirtkalar yopirildi
Mamlakat bosh vaziri oʻrinbosari Qozogʻiston bunday katta muammo bilan ilk bor toʻqnash kelayotganini aytgan.
Qozogʻiston oʻz tarixida ilk bor yirik chigirtka galalari bosqiniga duch keldi. Muammo mamlakatning Oʻzbekiston bilan chegaradosh janubiy hududlarida ham kuzatilmoqda.
Turkiston viloyatida ishlov berilgan 260 ming gektardan tashqari, 50 ming gektardan ortiqroqda chigirtka tarqalgan maydonlar aniqlangan. Viloyatning Aris, Sariagʻash, Keles, Oʻrdabasin va Shardara tumanlarida qoʻshimcha qayta ishlash ishlari olib borilmoqda. Bosh vazir oʻrinbosari Serik Jumangarin Qozogʻiston birinchi marta chigirtka tarqalishining bunday ulkan hududlariga duch kelganini aytdi.
“Bu yilgidek chigirtkalar tarqalgan ulkan hududlarni hech qachon uchratmaganmiz. Va biz hammamiz uning tarqalishining mumkin boʻlgan oqibatlarini kam baholaymiz. Qishloq xoʻjaligi vazirligining Davlat nazorat qoʻmitasiga barcha protsessual masalalarni zudlik bilan yakunlab, barcha zarur texnikalarni zarur boʻlgan hududlarga joʻnatishni topshiraman. Tigʻiz paytlarda haftasiga ikki marta shtab yigʻilishlarini oʻtkazamiz", – dedi Bosh vazir oʻrinbosari.
Turkiston viloyati hokimligi maʼlumotlariga koʻra, qayta ishlash 70 birlik yer usti texnikasi yordamida amalga oshirilmoqda, qoʻshimcha toʻrtta samolyot yetib kelgan. Ayni paytda barcha zarur texnika sabzavot va poliz ekinlari ekish atrofiga jamlangan. Hozirgacha ekinlarga zarar yetmagan.
Uch kun avval Qishloq xoʻjaligi vazirligi Turkiston oʻlkasida chigirtka epidemiyasi yoʻq qilinganini maʼlum qilgan edi. Qishloq xoʻjaligi vazirligining qoʻshimcha qilishicha, bugungi kunda ushbu hudud toʻliq qayta ishlangan va qishloq xoʻjaligi ekinlariga zarar yetkazilmagan.
Taʼkidlash kerak, Aqtoʻbe, Qoʻstanay va Turkiston viloyatlari dehqonlariga xavfli zararkunandalar tahdid solmoqda. Joriy yilda chigirtkalarga qarshi kurashish uchun respublika zaxirasidan 8,1 milliard tenge ajratildi.
Shuningdek, Oʻzbekistonda, Buxoro viloyati Romitan tumanida ham chigirtka galalari faollashgani xabar berilmoqda.
