Qashqadaryodagi suv omboridan suv otilib chiqa boshlagani aytilmoqda
Oqsuv daryosida qurilgan toʻgʻondan suv chiqa boshlagani haqida rasmiy maʼlumot yoʻqligi uchun vahima boshlangan.
Qashqadaryo viloyati Shahrisabz tumanidagi Miraki qishlogʻida joylashgan Hisorak suv omboridan suv otilib chiqa boshlagani aytilmoqda.
Xabarlarga koʻra, Oqsuv daryosida qurilgan toʻgʻondan suv otilib chiqa boshlagan. Hozircha bu xabarni tasdiqlaydigan yo rad etadigan biror rasmiy maʼlumot yoʻq.
Maʼlumot olish maqsadida Oʻzbekgidroenergo rahbari matbuot kotibi bilan bogʻlanishning imkoni boʻlmadi.
Aholiga tezkor va aniq maʼlumot yetkazishda ulardan rasmiy izoh kutib qolamiz.