Qorovul va chilangar baxtsiz hodisa qurboniga aylandi
Olmaliqda issiqlik tarmoqlari chilangari 4 iyun kuni beton quyish ishlari jarayonida ogʻir tan jarohati olib vafot etgan.
Toshkent viloyatida qorovul va chilangar baxtsiz hodisa oqibatida qurbon boʻldi. Bu haqda viloyat Kambagʻallikni qisqartish va bandlik boshqarmasi eʼlon qilgan ikki buyruqda maʼlum qilingan.
Aytilishicha, Ohangaron tumanidan joylashgan fermer xoʻjaligida MChJ qorovuli suv uchun oʻrnatilgan transformatordan tok urishi sabab vafot etgan.
Ikkinchi vaziyatda "Olmaliq issiqlik manbai" xabarnomasiga koʻra, issiqlik tarmoqlari chilangari 4 iyun kuni beton quyish ishlari jarayonida ogʻir tan jarohati olib vafot etgan.
Har ikkala hodisa yuzasidan maxsus tekshirish komissiyasi tuzilib, oʻrganish ishlari olib borilmoqda.
Avvalroq Olmaliq kon metallurgiya kombinatida ikki ishchi baxtsiz hodisa sabab vafot etgandi.