Oyga parvoz qilgan astronavt aviahalokatda vafot etdi
U mashhur "Yerning koʻtarilishi" suratining muallifi edi.
"Apollon 8” kemasida Oy atrofida parvoz qilgan va koinotda eng mashhur fotosuratlardan birini olgan amerikalik astronavt Uilyam Anders 90 yoshida yengil samolyotda parvoz qilayotganda vafot etdi.
Rasmiylarning aytishicha, uning samolyoti Vashington shtatidagi Siet aholi punkti shimolida suvga qulagan. Andersning oʻgʻli Greg otasi kichik samolyotda uchayotganini va uning jasadi juma kuni tushdan keyin topilganini tasdiqladi.
" Oilamiz koʻngli vayron boʻldi. U zoʻr uchuvchi edi. Biz uni sogʻinamiz", - deyiladi oila bayonotida.
1968 yilda Anders Oyga yetib kelgan birinchi ekipajli kosmik kema boʻlgan "Apollon 8" missiyasi uchun oy modulining uchuvchisi edi. U sayyoramizning kosmosdan olingan eng mashhur suratlaridan biri - "Yer koʻtarilishi" ramziy fotosuratining muallifi edi. Surat Rojdestvo arafasida olingan.
Unda Yerning jonsiz Oy yuzasi gorizontidan yuqoriga koʻtarilishi tasvirlangan. Keyinchalik Anders bu fotosuratni kosmik dasturga qoʻshgan eng muhim hissasi deb atadi.
