Toshkentda elektr tarmoqlari va sport tadbirlari uchun milliardlab mablagʻ ajratiladi
Shuningdek, Uchtepadagi perinatal markaz uchun 1,6 mlrd. soʻm beriladi.
Xalq deputatlari Toshkent shahar kengashi mahalliy byudjetning 2024 yilgi qoʻshimcha manbalarini xarajatlarga yoʻnaltirish boʻyicha qarorni eʼlon qildi.
Unda jami qariyb 17 mlrd. soʻm mablagʻ turli maqsadlar uchun sarflanishi koʻzda tutilgan.
Jumladan, maʼnan va jismonan eskirgan "L-Parkent 1,2" kabel tarmoqlarni yangilash uchun "Toshkent shahar elektr tarmoqlari"ga 5,1 mlrd. soʻm beriladi.
Uchtepa tumanidagi perinatal markazga 5 turdagi 11 dona zamonaviy asbob-uskunalar xaridi uchun 1,6 mlrd. soʻm, "Sport va ommaviy tadbirlarning tasdiqlangan rejasi" musobaqalarni tashkil etish va oʻtkazish uchun 10 mlrd. soʻm ajratiladi. Bundan tashqari 150 mln. soʻmga 20 dona koʻcha zamonaviy biotualet sotib olinadi.
Toshkent shahar Davlat moliyaviy nazorat boshqarmasi byudjet mablagʻlarini sarflanishi yuzasidan nazorat tadbirlarini kuchaytiradi.
