Yaponiyada ovqatni shoʻr qiladigan qoshiq sotuvga chiqarildi
Mamlakatda kattalar kuniga oʻrtacha 10 gramm tuz isteʼmol qilishadi, bu JSST tomonidan tavsiya etilgan miqdordan ikki baravar koʻp.
Yaponiyada oziq-ovqat taʼmini yanada shoʻr qiladigan batareya bilan ishlaydigan qoshiq sotuvga chiqdi.
Plastmassa va metalldan tayyorlangan qoshiq tuz isteʼmolini kamaytirish uchun kurashayotgan odamlarga moʻljallangan, chunki tadqiqotchilar bu masalada sogʻlom ovqatlanishni targʻib qilishadi. Zero, natriyni ortiqcha isteʼmol qilish yuqori qon bosimi, insult va boshqa holatlarning koʻpayishi bilan bogʻliq.
Maʼlumotlarga koʻra Yaponiyada kattalar kuniga oʻrtacha 10 gramm tuz isteʼmol qilishadi, bu Jahon sogʻliqni saqlash tashkiloti tomonidan tavsiya etilgan miqdordan ikki baravar koʻp.
Elektr tuz qoshigʻi natriy ioni molekulalarini tilda toʻplash uchun qurilmaning uchi orqali zaif elektr tokini oʻtkazish orqali ishlaydi.
Qoshiqning ogʻirligi 60 gramm va qayta zaryadlanuvchi lityum batareyada quvvatlanadi.
Kompaniyaning 2021 yilda oʻtkazgan soʻroviga koʻra, tuz isteʼmolini cheklashga harakat qiladigan odamlar koʻpincha oziq-ovqat mazasiz boʻlib qolganidan shikoyat qiladilar. Yapon ishlab chiqaruvchi kompaniyasi - Kirinning fikriga koʻra, qoshiq taomning shoʻrligini bir yarim baravar oshiradi. Foydalanuvchilar mazkur qoshiqdan foydalanish intensivligini toʻrt xil darajadan tanlashlari mumkin.
Qoshiq Meiji universiteti professori Xomei Miyashita bilan hamkorlikda ishlab chiqilgan boʻlib, u avvalroq toklar yordamida elektr tayoqchalari prototipida taʼmni yaxshilash effektini koʻrsatgan va oʻtgan yili Ig Nobel Nutrition mukofotini qoʻlga kiritgan.
Dastlab 200 ta mahsulotning har birini 19 800 iyen (99 funt) evaziga onlayn sotuvga qoʻyiladi. Shu oyda (iyun) yapon sotuvchisida cheklangan savdo boʻladi. Biroq kompaniya besh yil ichida butun dunyo boʻylab bir million foydalanuvchiga ega boʻlishga umid qilmoqda.
“Umuman yapon xalqi tuz isteʼmol qilish miqdorini kamaytirishi kerak, ammo isteʼmol qilishga odatlangan narsadan uzoqlashishimiz qiyin boʻlishi mumkin. Mana shu elektr qoshiqni ishlab chiqishimizga sabab boʻldi", - deydi Kirin tadqiqotchisi Ai Sato.